Imibereho y’abaturage

Musanze: Abarenga 50 bamaze guhanirwa kutubahiriza amabwiriza yo kwirinda Covid-19

Photo

Nk’uko bitangazwa n’ubuyobozi bw’akarere ka Musanze ngo abantu barenga 50 bo mu mirenge itandukanye y’aka karere nibo bamaze guhanwa bazira kurenga kuri amwe mu mabwiriza yashyizweho na Leta y’u Rwanda mu rwego rwo gukumira ikwirakwizwa ry’icyorezo cya Covid-19.

Amakosa yakunze kugaragara cyane ngo ni ay’abagiye bafungura utubari, abandi bakatwimurira mu bwihisho, abacuruzi bazamuye ibiciro by’ibiribwa n’ibindi bikemerewe gucuruzwa, abakomeje guterana mu buryo bw’amasengesho abera mu ngo agahuza abantu benshi (Icyumba).

NUWUMUREMYI Jeannine uyobora akarere ka Musanze yabwiye Tv/Radio1 ko abenshi muri aba bagiye bahanishwa gucibwa amande y’amafaranga, aho ngo hari n’abaciwe agera ku bihumbi mirongo itanu (50.000).

Inzego z’ubuyobozi zisaba abafite ibikorwa byabaye bihagaritswe kumva akamaro n’uburemere bw’izi ngamba ntibabifate nko kubahohotera, ahubwo bakumva ko bigamije gukumira ikwirakwizwa ry’icyorezo cya Covid-19 bityo nabo bakabigira ibyabo mu kubyubahiriza.



Andika / Soma Ibitekerezo 0

Leave a Reply

Your email address will not be published. Required fields are marked *

Inkuru Twaguhitiyemo

TV1 started operating in February, 2014 with a wonderful vision to be the best educative and entertaining TV station in Rwanda. Our strategic goal is to attract the Rwanda population to a new level of not only national, but also international awareness. Our mission as TV1 is to contribute to the development of Rwanda through the amazing programs we air on television.

Copyright © 2019 All right reserved to TV & Radio 1 - At the Heart of Content!.

To Top