Imikino

ESIPANYE-Imikino: Isco ashobora kwerekeza mu ikipe ya Chelsea

Photo

Umukinnyi Isco ukina mu kibuga hagati asatira mu ikipe ya Real Madrid ashobora gutandukana na yo mu gihe cyose ikipe ya Chelsea yagaragaje ko imushaka iramutse itanze miliyoni 40 z’amapawundi kuko uyu mukinnyi muri uyu mwaka w’imikino atarimo gukoreshwa cyane muri Real Madrid, dore ko na we ubwe atishimiye kuguma muri iyi kipe kandi adakoreshwa.

Francisco Román Alarcón Suárez uzwi nka Isco w’imyaka 26 ngo kuva muri iyi kipe ya Real Madrid biraterwa n’uko ku isonga ku mutoza Zinedine Zidane we yifuza kugura umukinnyi wa Tottenham yo mu Bwongereza Cristian Ericksen nawe uri ku musoza w’amasezerano ye mu ikipe ya Tottenham.

Kuva mu ntangiriro z’uyu mwaka , ikipe ya Chelsea yari yarafatiwe ibahano byo kutagura cyangwa ngo igurishe abakinnyi gusa kuri ubu nyuma yo gukomorerwa umutoza wayo Frank Lampard yahawe miliyoni 150 z’ama Euro ngo abe yakubaka iyi kipe ,ku buryo umukinnyi Isco ashobora kuba uwa mbere yaheraho agura ,igihe cyose baba babamaze kumvikana na Real madrid..

Isco kuva ageze mu ikipe ya Real yabonaga umwanya rimwe na rimwe kuko bitahoragaho, kuko kuva mu mwaka wa 2013 ayigezemo ubwo yari avuye mu ikipe ya Malaga, Isco amaze gukinira Real Madrid imikino 194 aha akaba yaratsinze ibitego 35, by’umwihariko muri uyu mwaka w’imikino wa 2019-2020 Isco amaze gukinira iyi kipe imikino 13 aho kugeza ubu nta gitego na kimwe aratsinda.



Andika / Soma Ibitekerezo 0

Leave a Reply

Your email address will not be published. Required fields are marked *

Inkuru Twaguhitiyemo

TV1 started operating in February, 2014 with a wonderful vision to be the best educative and entertaining TV station in Rwanda. Our strategic goal is to attract the Rwanda population to a new level of not only national, but also international awareness. Our mission as TV1 is to contribute to the development of Rwanda through the amazing programs we air on television.

Copyright © 2019 All right reserved to TV & Radio 1 - At the Heart of Content!.

To Top