Imikino

ESIPANYE: Messi yongeye guca agahigo ko gukina imikino myinshi.

Photo

Rutahizamu w’ikipe ya FC Barcelona Lionel Messi yaraye aciye agahigo ko kuba ari we mukinnyi mu bakiri gukinira iyi kipe ,umaze gukina imikino myinshi aho mu mukino wa UEFA Champions League waraye ubaye yuzuzaga umukino we wa 700.

Uyu rutahizamu utarigeze akinira indi kimwe n’imwe nkuru dore ko yatangiye gukinira FC Barcelona ahereye mu ikipe y’abakiri bato agakomereza muri ayo makipe y’abana kugeza ubwo atangiye gukinira ikipe nkuru ubwo hari mu mwaka wa 2004.

Mu mukino waraye ubereye ku kibuga cya Barcelona, iyi kipe yari yakiriye Borussia Dortmund umukino urangira Barca itsinze ibitego 3-1 harimo n’igitego cya Messi ku munota wa 33 ndetse anatanga imipira ibiri yavuyemo ibitego byatsinzwe na bagenzi be Luis Suarez na Antoine Griezman.

Lionel Andrés Messi Cuccittini yabaye umukinnyi wa kabiri wa FC Barcelona uyikiniye imikino myinshi kuko kugeza ubu umukinnyi uyoboye abandi gukina imikino myinshi ni Xavi Hernández we kugeza ubu yakiniye iyi kipe imikino 767 mu gihe cy’imyaka 17 yamaze akinira ikipe nkuru.

Kuri Lionnel Messi we akaba amaze gukinira ikipe ya FC Barcelona nkuru imyaka 15 aho kuri ubu amaze gukina imikino 700 atwarana nayo ibikombe 34, ayitsindira ibitego 613 ndetse akaba yaranatanze imipira 237 yavuyemo ibitego.



Andika / Soma Ibitekerezo 0

Leave a Reply

Your email address will not be published. Required fields are marked *

Inkuru Twaguhitiyemo

TV1 started operating in February, 2014 with a wonderful vision to be the best educative and entertaining TV station in Rwanda. Our strategic goal is to attract the Rwanda population to a new level of not only national, but also international awareness. Our mission as TV1 is to contribute to the development of Rwanda through the amazing programs we air on television.

Copyright © 2019 All right reserved to TV & Radio 1 - At the Heart of Content!.

To Top