Imikino

U Bwongereza: Arsenal yatsinze Portsmouth muri Emirates Cup

Photo

Ikipe ya Arsenal yo mu gihugu cy’u Bwongereza yaraye ibonye intsinzi mu mukino yari yasuyemo ikipe ya Portsmouth ubwo bakinaga irushanwa rya FA Emirates birangira Arsenal itsinze ibitego 2-0.

Muri uyu mukino watangiye amakipe yombi asatirana ngo arebe ko yabona igitego haba ku ruhande rwa Arsenal yari yasuye ndetse na Portsmouth yari iri mu rugo, ikipe ya Arsenal ni yo yafunguye amazamu. Ku munota wa 45 w’umukino ni bwo Sokratis Papastathopoulos yabonye igitego cya mbere ku mupira yari aherejwe na Reiss Nelson.

Amakipe yombi avuye kuruhuka , nyuma y’iminota 6 gusa Arsenal yongeye gutsinda igitego cya kabiri ubwo hari ku munota wa 51 gitsinzwe na Edward Nketiah ari na cyo cyabahaye kwizera intsinzi y’umukino wabaye mu ijoro ryo kuri uyu wa mbere.

Gutsinda igitego cya kabiri cya Arsenal kuri Eddie Nketiah byamugize umukinnyi urimo kwitwara neza aho mu mikino ine aheruka gukina yatsinzemo ibitego bine,mu gihe Sokratis yatsindaga igitego cye cya Gatatu muri uyu mwaka w’imikino wa 2019-2020 akinira ikipe ya Arsenal.

Mu yindi mikino itegerejwe kuri uyu wa kabiri tariki ya 03 Werurwe 2020 muri FA Emirates cup, ikipe ya Chelsea irakira Liverpool ku isaha ya saa tatu n’iminota 45, na ho saa yine (22: 00) ikipe ya Reading ikine na Sheffield United, West Bromwich Albion ihure na Newcastle United mu gihe indi mikino izakomza ejo ku wa gatatu no kuwa kane.



Andika / Soma Ibitekerezo 0

Leave a Reply

Your email address will not be published. Required fields are marked *

Inkuru Twaguhitiyemo

TV1 started operating in February, 2014 with a wonderful vision to be the best educative and entertaining TV station in Rwanda. Our strategic goal is to attract the Rwanda population to a new level of not only national, but also international awareness. Our mission as TV1 is to contribute to the development of Rwanda through the amazing programs we air on television.

Copyright © 2019 All right reserved to TV & Radio 1 - At the Heart of Content!.

To Top