Imikino

U Bwongereza: Bruno Fernandes yatowe nk’umukinnyi mwiza w’ukwezi kwa kabiri

Photo

Umukinnyi Bruno Fernandes ukina hagati mu ikipe ya Manchester United yaraye atowe nk’umukinnyi mwiza muri shampiyona y’u bwongereza witwaye neza mu kwezi kwa kabiri aho atorewe uyu mwanya nyuma y’igihe gito ageze muri iyi shampiyona izwi nka Premier League.

Uyu mukinnyi watowe nk’umukinnyi mwiza abigezeho nyuma y’uko ageze muri Manchester United mu mpera z’ukwezi kwa mbere kuko yaguzwe habura igihe gito ngo isoko ryo kugura no kugurisha mu gihugu cy’u Bwongereza rifungwe.

Bruno Fernandes w’imyaka 25 y’amavuko, kuva ageze muri iyi kipe ya Manchester United aguzwe miliyoni 68 z’amapawundi yafashije ikipe ye nshya kwitwara neza aho mu mikino itatu yayikiniye mu kwezi kwa Kabiri yatsinze igitego kimwe ndetse anagira uruhare rw’ibindi bitego bibiri.

Uyu munyaportugal wagize uruhare runini mu kugarura izina rya Manchester United mu gihugu cy’u Bwongereza atowe nk’umukinnyi mwiza w’ukwezi kwa kabiri ariko anagaragaza ibimenyetso byo kuba yanatorwa nk’umukinnyi mwiza mu bindi bihe biri imbere kuko muri rusange kuva ageze muri United amaze gukina imikino 5 muri shampiyona akaba amaze gutsinda ibitego 2 ndetse anatanga imipira itatu yavuyemo ibitego.

Nubwo shampiyona y’u Bwongereza yahagaritswe by’agateganyo, kuri ubu Manchester United irabarizwa ku mwanya wa gatanu ku rutonde rw’agateganyo rwa Premier League nyuma y’imikino 29 imaze gukinwa ikaba ifite amanota 45.



Andika / Soma Ibitekerezo 0

Leave a Reply

Your email address will not be published. Required fields are marked *

Inkuru Twaguhitiyemo

TV1 started operating in February, 2014 with a wonderful vision to be the best educative and entertaining TV station in Rwanda. Our strategic goal is to attract the Rwanda population to a new level of not only national, but also international awareness. Our mission as TV1 is to contribute to the development of Rwanda through the amazing programs we air on television.

Copyright © 2019 All right reserved to TV & Radio 1 - At the Heart of Content!.

To Top