Imikino

U Bwongereza : Bruno Fernandes yatowe nk’umukinnyi w’ukwezi muri Manchester United

Photo

Umukinnyi Bruno Fernandes ukina hagati mu ikipe ya Manchester United yatowe nk’umukinnyi mwiza witwaye neza mu kwezi kwa Gatandatu aho atorewe uyu mwanya nyuma y’igihe gito iyi shampiyona izwi nka Premier League isubukuwe.

Uyu mukinnyi watowe nk’umukinnyi mwiza yageze muri Manchester United mu mpera z’ukwezi kwa mbere ubwo yagurwaga habura igihe gito ngo isoko ryo kugura no kugurisha mu gihugu cy’u Bwongereza rifungwe.

Bruno Fernandes w’imyaka 25 y’amavuko, kuva ageze muri iyi kipe ya Manchester United aguzwe miliyoni 68 z’amapawundi yafashije ikipe ye nshya kwitwara neza aho mu mikino umunani yayikiniye yatsinze ibitego bitanu ndetse anagira uruhare mu bindi bitego bitatu, by’umwihariko mu kwezi gushize yakinnye imikino itatu atsinda ibitego bitatu.

Ibyo bitego Bruno yabitsinze mu mukino ikipe ya Manchester United yanganyijemo na Tottenham mu mukino wa shampiyona ubwo yari igeze ku munsi 30, ibindi bitego bibiri yabitsinze mu mukino manchester united yatsinzemo Brighton ibitego bitatu ku busa.

Usibye kuba Bruno Fernandes yatowe nk’umukinnyi w’ukwezi kwa Gatandatu mu ikipe ya Manchester United ari ku rutonde rw’abakinnyi batandatu bagomba guhitamo umwe mu beza bigaragaje mu kwezi gushize muri iyi shampiyona ikunzwe kurusha izindi ku isi.



Andika / Soma Ibitekerezo 0

Leave a Reply

Your email address will not be published. Required fields are marked *

Inkuru Twaguhitiyemo

TV1 started operating in February, 2014 with a wonderful vision to be the best educative and entertaining TV station in Rwanda. Our strategic goal is to attract the Rwanda population to a new level of not only national, but also international awareness. Our mission as TV1 is to contribute to the development of Rwanda through the amazing programs we air on television.

Copyright © 2019 All right reserved to TV & Radio 1 - At the Heart of Content!.

To Top