Imikino

U Bwongereza : David Moyes yagarutse gutoza Westham United

Photo

Ikipe ya Westham United yo mu gihugu cy’u Bwongereza yamaze gutangaza David Moyes nk’umutoza wayo mushya mu gihe cy’amezi 18 (Igihe kingana n’umwaka umwe n’igice) .Ni nyuma yaho iyi kipe itandukaniye na Manuel Pellegrini wasezerewe mu mpera z’icyumweru gishize.

Ibyo kuza muri iyi kipe kuri David Moyes bibaye nyuma yaho mu mukino wa shampiyona y’u Bwongereza yakinwaga ku munsi wayo wa 19 iyi kipe ititwaye neza kuko ubwo yari iri mu rugo ku kibuga cyayo yahatsindiwe n’ikipe ya Leceister City ibitego 2-1 binaviramo iyirukanwa rya Pellegrini utari urimo kwitwara neza.

David William Moyes w’imyaka 56 wagizwe umutoza w’iyi kipe ya WestHam izwi ku izina rya The Hammers si ubwa mbere aje gutoza iyi kipe kuko yigeze kuyitoza mu mwaka w’imikino wa 2017-2018 ,Aza gusezererwa azira kutitwara neza.

Mu gihe cy’iminsi 190 yatoje iyi kipe ya Westham kuri David Moyes yakinnye imikino 31 atsindamo imikino 9 anganya indi mikino 10 mu gihe yatsinzwe imikino 12, muri uwo mwaka w’imikino iyi kipe yashoje iri ku mwanya wa 13 aho yari ifite amanota 42.

Kuri Manuel Pellegrini wirukanywe ku munsi wo kuwa gatandantu yatandukanye n’iyi kipe kuri ubu iri kubarizwa ku mwanya wa 17 aho kuri ubu ifite amanota 19, kuva afashe iyi kipe ya Westham, Pellegrini yari amaze mu kazi iminsi 585 aho yakinnye imikino 64 atsindamo imikino 24 mu gihe yanganyije imikino 11 atsindwa imikino 19.

Uyu mutoza David Moyes aratangira imirimo ye kuri uyu wa gatatu akina mukino we wa mbere yakira ikipe ya AFC Bournemouth mu mukino w’umunsi wa 21 wa shampiyona y’igihugu cy’ u Bwongereza mu mwaka w’imikino wa 2019-2020.



Andika / Soma Ibitekerezo 0

Leave a Reply

Your email address will not be published. Required fields are marked *

Inkuru Twaguhitiyemo

TV1 started operating in February, 2014 with a wonderful vision to be the best educative and entertaining TV station in Rwanda. Our strategic goal is to attract the Rwanda population to a new level of not only national, but also international awareness. Our mission as TV1 is to contribute to the development of Rwanda through the amazing programs we air on television.

Copyright © 2019 All right reserved to TV & Radio 1 - At the Heart of Content!.

To Top