Imikino

U BWONGEREZA: Jose Mourihno yagizwe umutoza wa Tottenham

Photo

Nyuma yuko ikipe ya Tottenham Hotspurs yo mu gihugu cy’u Bwongereza yirukanye uwari umutoza wayo Mauricio Pochettino ashinjwa umusaruro mubi yagejeje kuri iyi kipe muri uyu mwaka w’imikino wa 2019-2020 yamaze gusimbuzwa Jose Mourihno utari ufite ikipe atoza.

Jose Mourihno uje gutoza iyi kipe ya Tottenham yari amaze iminsi 337 adafite ikipe atoza kuko yaherukaga gutoza ikipe ya Manchester United mu mwaka ushize wa 2018, nyuma yaje kwirukanwa muri iyo kipe tariki ya 18 Ukuboza 2018, kuva icyo gihe kugeza ubu akaba nta kipe n’imwe yari afite atoza.

Si ubwa mbere uyu mugabo w’imyaka 56 agiye gutoza mu gihugu cy’u Bwongereza kuko yanyuze mu yandi makipe atandukanye yo muri icyo gihugu arimo ikipe ya Chelsea ndetse na Manchester United aherukamo mbere yo kwirukanwa ,kuri ubu akaba yari umusesenguzi kuri television ya Sky Sports.

Iyi kipe ya Tottenham yahaye uyu munya Portugal amasezerano y’igihe kingana n’imyaka ine ayitoza aho amasezerano ye yatangiye kuri uyu wa kabiri taliki ya 20 Ugushyingo 2019 kugeza muri Kamena 2023.

José Mário dos Santos Mourinho Félix aje mu ikipe ya Tottenham Hotspurs ayisanga ku mwanya wa 14 muri shampiyona y’u Bwongereza aho mu mikino 12 iyi kipe yakinnye yatsinze imikino 3 inganya imikino 5 ndetse itsindwa imikino 4 aha ikaba yaratozwaga na Mauricio Pochettino.

Mourihno atoza amakipe atandukanye mu Bwongereza yatwaranye n’ikipe ya Chelsea ibikombe bitatu bya shampiyona ndetse n’igikombe kimwe cya FA, ageze mu ikipe ya Manchester United yayihesheje igikombe cya UEFA Europa League ndetse n’igikombe kimwe cya Carabao.



Andika / Soma Ibitekerezo 0

Leave a Reply

Your email address will not be published. Required fields are marked *

Inkuru Twaguhitiyemo

TV1 started operating in February, 2014 with a wonderful vision to be the best educative and entertaining TV station in Rwanda. Our strategic goal is to attract the Rwanda population to a new level of not only national, but also international awareness. Our mission as TV1 is to contribute to the development of Rwanda through the amazing programs we air on television.

Copyright © 2019 All right reserved to TV & Radio 1 - At the Heart of Content!.

To Top