Imikino

U Bwongereza: Liverpool yasezerewe na Chelsea muri FA cup

Photo

Ikipe ya Chelsea yo mu gihugu cy’u Bwongereza yaraye ibonye intsinzi mu mukino yari yakiriyemo ikipe ya Liverpool ubwo bakinaga irushanwa rya FA Emirates birangira Chelsea itsinze ibitego 2-0.

Muri uyu mukino ikipe ya Chelsea ni yo yatangiye neza ubwo hari ku munota wa 13 yabonye igitego cyatsinzwe na Willian, ni nyuma yaho ba myugariro b’ikipe ya Liverpool bananiwe kuyobora neza umupira ubwo Fabihno yatanze umupira nabi ugera kuri Willian atsinda igitego cya mbere mu buryo bumworoheye.

Ikipe ya Liverpool yagerageje kureba uko yakwishyura igitego batsinzwe hakiri kare ariko ntibyagira icyo bitanga mu buryo bwose yabonye imbere y’izamu ryari ririnzwe na Kepa Arizabalaga, kugeza ubwo iminora 45 y’umukino yarangiye bikiri igitego kimwe ku busa .

Amakipe yombi avuye kuruhuka yagarutse ikipe ya Chelsea ishaka ikindi gitego cya kabiri ndetse iza no guhirwa irakibona ubwo hari ku munota wa 64 ari na bwo Ross Barkley yatsinze igitego cyabahaye intsinzi muri uyu mukino.

Gutakaza uyu mukino ku ikipe ya Liverpool bije byiyongera ku yindi mikino ibiri imaze gutsindwa haba muri shampiyona y’u Bwongereza aho yatsinzwe na Watford ibitego 3-0 mbere yaho ikaba yari yatsinzwe na Atletico Madrid muri champions League igitego kimwe ku busa.

Mu yindi mikino itegerejwe kuri uyu wa gatatu tariki ya 03 Werurwe 2020 muri FA Emirates cup, ikipe ya Leicester City irakira Birmingham City , ikipe ya Sheffield Wednesday irakira ikipe Manchester City, Tottenham Hotspurs irakina na Norwich City iyo mikino yose ikaba iteganyijwe ku isaha ya saa tatu n’iminota 45 mu gihe undi mikino uzaba kuri uyu wa kane ukazahuza Derby County izakira Manchester United .



Andika / Soma Ibitekerezo 0

Leave a Reply

Your email address will not be published. Required fields are marked *

Inkuru Twaguhitiyemo

TV1 started operating in February, 2014 with a wonderful vision to be the best educative and entertaining TV station in Rwanda. Our strategic goal is to attract the Rwanda population to a new level of not only national, but also international awareness. Our mission as TV1 is to contribute to the development of Rwanda through the amazing programs we air on television.

Copyright © 2019 All right reserved to TV & Radio 1 - At the Heart of Content!.

To Top