Imikino

U Bwongereza: Liverpool yashimangiye umwanya wa mbere nyuma yo gutsinda ManCity - AMAFOTO

Photo

Ikipe ya Liverpool yo mu gihugu cy’U Bwongereza yashimangiye umwanya wa mbere nyuma yo gutsinda ikipe ya Manchester City bahanganiye igikombe cya Shampiyona mu mwaka w’imikino wa 2019-2020, ibyo kugumana umwanya wa mbere kuri Liverpool ibigezeho nyuma yo gutsinda Mancity ibitego 3-1 mu mukino wa shampiyona.

JPEG

Kuri iki cyumweru ni bwo ikipe yari yakiriye ikipe ya Manchester City bahora bahanganye muri shampiyona ubwo yari igeze ku munsi wa 12, muri uyu mukino ikipe ya Liverpool ni yo yatangiye neza ubwo hari ku munota wa 6 gusa umukinnyi wo hagati Fabihno yafunguye izamu nyuma y’ishoti rikomeye yatereye inyuma y’urubuga rw’amahina uruhukira mu rushundura.

JPEG

Ntabwo byarangiriye aho kuko ubwo uyu mukino wari ugeze ku munota wa 13 ni bwo rutahizamu wa Liverpool Mohamed Salah yashyizemo ikindi gitego cya kabiri kuri iyi kipe, ni nyuma y’umupira wari uzamukanywe na myugariro ukinira ku ruhande rw’ibumoso Andrew Robertson ahindura umupira imbere y’izamu maze Salah aruhukiriza umupira mu izamu ryari ririnzwe na Claudio Bravo, bajya no ku ruhuka ari ibitego 2-0.

JPEG

Ubwo amakipe yombi yari avuye kuruhuka nyuma y’iminota 6 y’igice cya kabiri gitangiye, ikipe ya Liverpool yongeye kubona igitego cya 3 cyatsinzwe na Sadio Mané ku mupira wari uturutse ku ruhande rw’iburyo utewe na Kapiteni we Jordan Henderson, maze Sadio Mané na we ntiyazuyaza aboneza umupira mu izamu, ubwo haburaga iminota 12 ngo umukino urangire ni bwo Manchester City yabonye igitego cy’impozamarira cyatsinzwe na Bernado Silva, umukino waje kurangira ari ibitego 3-1.

JPEG

Gutsinda uyu mukino kwa Liverpool kwatumye iyi kipe igumana umwanya wa mbere aho mu mikino 12 ya shampiyona iyi kipe ifite amanota 34 aho ikurikiwe na Leicester City na Chelsea zifite amanonta 26 hanyuma ikipe ya Manchester City ikaza ku mwanya wa 4 n’amanota 25, mu yindi mikino yabaye kuri uyu munsi Chelsea yatsinze Crystal Palace 2-0, Leicester City itsinda Arsenal 2-0 , Tottenham Hotspurs yo yanganyije na Sheffield 1-1 mu gihe ikipe ya Manchester United yo yatsinze Brighton Hove Albion ibitego 3-1.

JPEG

JPEG

JPEG

JPEG



Andika / Soma Ibitekerezo 0

Leave a Reply

Your email address will not be published. Required fields are marked *

Inkuru Twaguhitiyemo

TV1 started operating in February, 2014 with a wonderful vision to be the best educative and entertaining TV station in Rwanda. Our strategic goal is to attract the Rwanda population to a new level of not only national, but also international awareness. Our mission as TV1 is to contribute to the development of Rwanda through the amazing programs we air on television.

Copyright © 2019 All right reserved to TV & Radio 1 - At the Heart of Content!.

To Top