Imikino

U Bwongereza: Liverpool yiyongereye amahirwe yo gutwara shampiyona

Photo

Ikipe ya Liverpool yo mu gihugu cy’u Bwongereza ikomeje gushimangira ko ikeneye igikombe cya shampiyona y’uyu mwaka w’imikino wa 2019-2020, ibi iyi kipe yabigaragaje mu ijoro ryo kuri uyu wa kane aho yatsindaga ikipe ya Leicester City iri ku mwanya wa kabiri.

Ubwo hakinwaga umukino w’umunsi wa 19 muri shampiyona y’u Bwongereza, ikipe ya Liverpool yari yasuye ikipe ya Leicester City iyikurikira ku rutonde rw’agateganyo aha bakaba bagiye guhura irushwa n’ikipe ya mbere amanota 10, gusa uyu mukino warangiye Leicester City irushwa amanota 13.

Muri uyu mukino watangiye ikipe ya Liverpool isatira cyane ndetse inahusha uburyo bwinshi bwari bwabazwe imbere y’izamu rya Leicester kugeza ubwo ku munota wa 32 Roberto Filmino yafunguraga amazamu ku mupira yari aherejwe na Trent Alexander, barinda bajya kuruhuka ari igitego kimwe ku busa.

Bavuye kuruhuka ikipe ya Liverpool yinjiye neza mu mukino ubwo hari ku munota wa 71 w’umukino hakozwe umupira n’ukuboko mu rubuga rw’amahina rwa Leicester birangira umusifuzi yemeje ko ari Penaliti inaterwa neza na James Milner.

Nyuma y’iminota itatu gusa ni bwo kandi iyi kipe ya Liverpool yongeye kubona igitego cyatsinzwe na Firmino ku mupira yari aherejwe na Alexander Arnold biba ibitego bitatu ku busa, ntibyarangiriye aho gusa kuko Trent Alexander wari wagize umukino mwiza yahise ashyiramo ikindi gitego cya Kane ubwo hari ku munota wa 78, iki gitego cyahise gituma Leicester isigara inyuma ya Liverpool ho amanota 13.

Mu yindi mikino yaraye ibaye ikipe ya Arsenal yanganyije na AFC Bournemouth igitego 1-1, Tottenham Hotspur yo yatsinze Brighton & Hove Albion 2-1, Chelsea itsindwa na Southmpton ibitego 2-0 mu gihe Manchester United yo yatsinze ikipe ya New Castle United 4-1.

Kuri uyu wa gatanu ikipe ya Wolverhampton Wanderers irakira ikipe ya Manchester City saa 21h45.



Andika / Soma Ibitekerezo 0

Leave a Reply

Your email address will not be published. Required fields are marked *

Inkuru Twaguhitiyemo

TV1 started operating in February, 2014 with a wonderful vision to be the best educative and entertaining TV station in Rwanda. Our strategic goal is to attract the Rwanda population to a new level of not only national, but also international awareness. Our mission as TV1 is to contribute to the development of Rwanda through the amazing programs we air on television.

Copyright © 2019 All right reserved to TV & Radio 1 - At the Heart of Content!.

To Top