Imikino

U Bwongereza: Manchester City yegukanye igikombe cya Carabao

Photo

Ikipe ya Manchester City yo mu gihugu cy’u Bwongereza yaraye yegukanye igikombe cya Carabao nyuma yo gutsinda ikipe ya Aston Villa ibitego 2-1 ku mukino wa nyuma wabereye i Wembley kuri iki Cyumweru.

Muri uyu mukino watangiye amakipe yombi ashaka ibitego, byaje guhira ikipe ya Manchester City ihita ifungura amazamu ku munota wa 19 w’umukino, ni ku gitego cyatsinzwe na Sergio Agüero ku ishoti yatereye mu rubuga rw’amahina atanze umupira myugariro wa Aston Villa, ubwo hari ku mupira wari ugaruwe inyuma gato na Phil Foden.

Iyi kipe ya City ntiyahagarariye aho kuko yongeye kubona ikindi gitego ubwo hari ku munota wa 28, ni bwo umukinnyi Rodri yatsinze igitego cya kabiri n’umutwe ku mupira wari uvuye muri koruneri watewe na Ilkay Guendogan.

Mbere yuko igice cya mbere kirangira ni bwo ikipe ya Aston Villa yishyuyemo igitego kimwe cyatsinzwe na Mbwana Samatta ubwo hari ku munota wa 41, ni igitego uyu munya Tanzaniya yatsinze nyuma y’umupira yaherejwe na Anwar El-Ghazi .

Ibyo bitego bitatu byabonetse mu gice cya mbere cy’umukino ni byo byatandukanyije amakipe yombi dore ko ari nako uyu mukino warangiye ikipe ya Manchester City itsinze ikipe ya Aston Villa ibitego 2-1.

Gutsinda uyu mukino byahesheje Manchester City kwegukana Carabao Cup ku nshuro ya gatatu yikurikiranya ndetse kikaba igikombe cya kabiri yegukanye uyu mwaka w’imikino wa 2019-2020 nyuma yo gutwara Community Shield mu mwaka w’imikino ushize.



Andika / Soma Ibitekerezo 0

Leave a Reply

Your email address will not be published. Required fields are marked *

Inkuru Twaguhitiyemo

TV1 started operating in February, 2014 with a wonderful vision to be the best educative and entertaining TV station in Rwanda. Our strategic goal is to attract the Rwanda population to a new level of not only national, but also international awareness. Our mission as TV1 is to contribute to the development of Rwanda through the amazing programs we air on television.

Copyright © 2019 All right reserved to TV & Radio 1 - At the Heart of Content!.

To Top