Imikino

U Bwongereza: Tottenham yasinyishije Steven Bergwijn imukuye muri PSV

Photo

Ikipe ya Tottenham Hotspurs yo mu gihugu cy’ U Bwongereza yatangaje ko yagiranye amasezerano n’umukinnyi w’umuholandi Steven Bergwijn imukuye mu ikipe ya PSV Heindoven yo mu gihugu cy’U Buholandi.

Uyu mukinnyi Steven Bergwijn wagiranye amasezerano n’ikipe ya Tottenham yatanzweho miliyoni 27 z’ama pawundi ashyira umukono ku masezerano y’imyaka ine n’igice akinira iyi kipe izwi nka The Lilywhites yo mu mujyi wa Londom mu Bwongereza.

Steven Charles Bergwijn w’imyaka 22 y’amavuko yagiranye amasezerano na The Spurs azamugeza mu mpeshyi z’umwaka wa 2025 ni ukuvuga umwaka w’imikino wa 2024 - 2025, Kugurwa k’ uyu mukinnyi bibaya nyuma yaho Christian Eriksen yerekeje mu ikipe ya Inter De Milan yo mu gihugu cy’u Butaliyani.

Bergwijn ukina nka rutahizamu aciye ku ruhande yakuriye mu ikipe ya Ajax Amsterdam aha akaba yarahavuye ku myaka 17 ahita yerekeza mu ikipe ya PSV ubwo hari mu mwaka wa 2014 gusa akaba yarahise ashyirwa mu ikipe ya Jong PSV akaba ari ikipe y’abato ba PSV Heindoven aho yazamuwe mu ikipe nkuru muri 2017.

Steven ari mu ikipe ya PSV Heindoven yayikiniye imikino 149 atsinda ibitego 31 ndetse anatwarana nayo ibikombe bitatu bya shampiyona ndetse n’igikombe kimwe kiruta ibindi mu gihugu cy’u Buholandi, by’umwihariko muri uyu mwaka w’imikino wa 2019-2020 Steven yakinnye imikino 29 atsinda ibitego 6.



Andika / Soma Ibitekerezo 0

Leave a Reply

Your email address will not be published. Required fields are marked *

Inkuru Twaguhitiyemo

TV1 started operating in February, 2014 with a wonderful vision to be the best educative and entertaining TV station in Rwanda. Our strategic goal is to attract the Rwanda population to a new level of not only national, but also international awareness. Our mission as TV1 is to contribute to the development of Rwanda through the amazing programs we air on television.

Copyright © 2019 All right reserved to TV & Radio 1 - At the Heart of Content!.

To Top