Imikino

U Bwongereza-Imikino : Nyuma yo gutsindwa ,Ikipe ya Watford yirukanye umutoza wayo.

Photo

Ikipe ya Watford yo mu gihugu cy’u Bwongereza yatandukanye n’uwari umutoza wayo Quique Sanchez Flores ashinjwa umusaruro muke agejeje kuri iyi kipe aho kuri ubu nyuma y’iminsi 14 ya shampiyona yo muri icyo gihugu iri ku mwanya wa 20 ari nawo wa nyuma n’amonota umunani gusa.

Intandaro yo kwirukanwa kwa Sanchez bije nyuma yaho ikipe ye ya Watford yatsinzwe kuri uyu wa gatandatu mu mukino w’umunsi wa 14 wa shampiyona, aho iyi kipe yatakaje mu mukino bahuraga n’ikipe ya Southampton ibitego 2-1, bituma uyu mutoza yuzuza imikino umunani adatsinda.

Nyuma yo gutsindwa uyu mukino, ubuyobozi bwe buyobowe na Scott Duxbury bwahise bwandikira Flores ibaruwa imusezerera. Uyu mutoza wanenzwe umusaruro muke yaherukaga gutsinda ku itariki ya 24 Nzeri 2019, mu mukino batsinze ikipe ya Swansea City ibitego 2-1 ubwo bakinaga igikombe kizwi nka League Cup.

Quique Sanchez Flores w’imyaka 54 ukomoka mu gihugu cya Esipanye, yirukanywe ku gutoza iyi kipe nyuma y’iminsi 85 ayitoza kuko yayigiyemo tariki ya 7 Nzeli 2019, muri iyo minsi yari amaze gutoza imikino 12 atsindamo imikino 2 anganya 4 atsindwa indi mikino 6 mu marushanwa atandukanye arimo League Cup ndetse na Shampiyona.

Kuri ubu ikipe ya Watford, iraba itozwa n’uwari umutoza wungirije Antonio Diaz Carlavilla. Ibitangazamakuru bitandukanye birimo na BBC byatangaje ko uyu mutoza wirukanwe ashobora gusimburwa na Christopher William Gerard Hughton wahoze atoza ikipe ya Brighton Hove Albion, kuri ubu udafite indi kipe atoza.

Uyu mutoza abaye uwa gatatu wirukanywe muri shampiyona y’u Bwongereza mu mwaka w’imikino wa 2019-2020, nyuma ya Unai Emery watozaga ikipe ya Arsenal na Mauricio Pochettino wahoze atoza ikipe ya Tottenham Hotspurs.



Andika / Soma Ibitekerezo 0

Leave a Reply

Your email address will not be published. Required fields are marked *

Inkuru Twaguhitiyemo

TV1 started operating in February, 2014 with a wonderful vision to be the best educative and entertaining TV station in Rwanda. Our strategic goal is to attract the Rwanda population to a new level of not only national, but also international awareness. Our mission as TV1 is to contribute to the development of Rwanda through the amazing programs we air on television.

Copyright © 2019 All right reserved to TV & Radio 1 - At the Heart of Content!.

To Top