Politiki

KIGALI: Mu Cyumweru gitaha u Rwanda na Uganda bazaganira ku mubano w’ibihugu byombi.

Photo

Itsinda rizoherezwa na Guverinoma ya Uganda ritegerejwe i Kigali mu cyumweru gitaha, mu nama izahuriza hamwe ibihugu byombi haganirwa ku ishyirwa mu bikorwa ry’amasezerano agamije guhagarika umwuka mubi uri hagati yabyo, aheruka gusinyirwa i Luanda muri Angola.

Aya masezerano yashyizweho umukono ku wa 21 Kanama 2019 mu nama yahuje abakuru b’ibihugu igamije kunoza imikoranire no kubungabunga umutekano w’akarere.

Yitabiriwe na Perezida Paul Kagame w’u Rwanda, Yoweri Museveni wa Uganda, Denis Sassou Nguesso wa Congo, Félix Tshisekedi wa RDC na João Lourenço wa Angola.

Ayo masezerano yasinywe nyuma y’igihe u Rwanda rugaragaza ko Uganda ikomeje guhohotera Abanyarwanda bayibamo cyangwa bayigendamo, kubangamira ubucuruzi bwarwo no gutera inkunga imitwe y’iterabwoba igamije kuruhungabanyiriza umutekano mu gihe leta ya Uganda yo yahakanaga ibyo ishinjwa.

Muri ayo masezerano hemejwemo kubaha ubusugire bwa buri wese n’ubw’igihugu cy’igituranyi no guhagarika ibikorwa bigamije guhungabanya urundi ruhande.
Ayo masezerano anateganya ishyirwaho rya Komisiyo ihuriweho n’impande zombi (U Rwanda na Uganda) igamije gukurikirana ishyirwa mu bikorwa ry’ibiyakubiyemo.

Umunyamabanga wa Leta muri Minisiteri y’Ububanyi n’Amahanga y’u Rwanda, Nduhungirehe Olivier, yatangaje ko iyi ari yo nama ya mbere igiye guhuza impande zombi igaruka ku ishyirwa mu bikorwa ry’aya masezerano.

Nduhungirehe yavuze ko itsinda rizaturuka muri Uganda rizagera mu Rwanda kuwa mbere riyobowe na Minisitiri w’Ububanyi n’Amahanga wa Uganda, Sam Kutesa.
Bakimara gusinya ayo masezerano yo muri Angola , Olivier Nduhungirehe yabwiye itangazamakuru ko nyuma y’igihe u Rwanda rusabye abaturage barwo guhagarika kujya muri Uganda, igihe cyo kuvanaho iyo nama kitaragera mu gihe hari abanyarwanda benshi bagifungiwe muri Uganda.

Isooko: Igihe.com.



Andika / Soma Ibitekerezo 0

Leave a Reply

Your email address will not be published. Required fields are marked *

Inkuru Twaguhitiyemo

TV1 started operating in February, 2014 with a wonderful vision to be the best educative and entertaining TV station in Rwanda. Our strategic goal is to attract the Rwanda population to a new level of not only national, but also international awareness. Our mission as TV1 is to contribute to the development of Rwanda through the amazing programs we air on television.

Copyright © 2019 All right reserved to TV & Radio 1 - At the Heart of Content!.

To Top