Ubukungu

Abadepite batunguwe n’uburyo ikigo HEC cyishyuriye umunyeshuri wapfuye

Photo

Inkuru ya Fulgence HAKIZUWERA

Kuri uyu wa Gatatu tariki ya 16 Nzeri 2020, abadepite bashinja Inama nkuru y’amashuri makuru na kaminuza kurihira abanyeshuri batabaho barimo n’uwapfuye.

Byagarutsweho n’abadepite bagize komisiyo ishinzwe gukurikirana imikoreshereze y’imali n’umutungo by’igihugu PAC ubwo HEC yisobanuraga ku makosa yagaragajwe n’umugenzuzi mukuru w’imari ya Leta mu mwaka w’ingengo y’imari 2018-2019.

Mu ruhuri rw’ibibazo abadepite bahase iki kigo, igisa n’aho cyahagarariye ibindi ni uburyo iki kigo cyagiye gitangira amafaranga abantu batabaho harimo n’uwapfuye aba bakitwa ko ari abanyeshuri bakiri muri kaminuza . Ayo mafaranga yitwaga ko ari ayo kubatunga, ayo kubishyurira amasomo n’ayandi yose hamwe hakaba harasohotse Miliyoni zisaga 40 muri ubwo buryo.

Mu bisa nko kwikuraho iki kibazo , Dr Rose MUKANKOMEJE uyobora ikigo HEC yavuze ko ayo mafaranga yahawe abantu 16 barimo umwe wapfuye kandi bikandikwa ko bose bishyuriwe ngo aya mafaranga agomba kuzagarurwa na Kaminuza y’uRwanda.

Andi makosa iki kigo cyashinjwe harimo kunanirwa kwishyuza abahawe inguzanyo ya yo kwiga kaminuza ,kwishyuza menshi abahawe iyo nguzanyo ,kuba ibikoresho biri muri iki kigo bitagira ubwishingizi n’ibindi byahombeje Leta abadepite bagereranyije n’uburangare.



Andika / Soma Ibitekerezo 0

Leave a Reply

Your email address will not be published. Required fields are marked *

Inkuru Twaguhitiyemo

TV1 started operating in February, 2014 with a wonderful vision to be the best educative and entertaining TV station in Rwanda. Our strategic goal is to attract the Rwanda population to a new level of not only national, but also international awareness. Our mission as TV1 is to contribute to the development of Rwanda through the amazing programs we air on television.

Copyright © 2019 All right reserved to TV & Radio 1 - At the Heart of Content!.

To Top