Ubukungu

Ruhango: Barinubira imitangire mibi ya serivisi z’ ubutaka

Photo

Bamwe mu batuye mu karere ka Ruhango bavuga ko basiragizwa mu kubona ibyangombwa by’ ubutaka bya burundu bigatuma bahitamo kubutunga nta byo bafite.

Ubusanzwe umuntu ufite ubutaka butamwanditseho bufatwa nk’ ubutari ubwe,
Iyi ni imwe mu mpamvu nyamukuru zituma leta ihora ishishikariza abanyarwanda kwiyandikishaho ubutaka baba bita ubwabo ariko batabufitiye ibyangombwa bya burundu.

Kugira ngo umuntu yiyandikisheho ubutaka ubwo ari bwo bwose asabwa mbere na mbere kwerekana ibihamya by’ uko ari ubwe.

Nyamara hari abaturage bo mu karere ka Ruhango bavuga ko ibyo basabwa byose kugira ngo bahabwe ibyangombwa by’ ubutaka bya burundu babishaka ariko babigeza mu nzego zishinzwe kubitanga bagasiragizwa.

Ibi ngo byatumye bamwe muri bo bafata umwanzuro wo gutunga ubutaka butagira ibyangombwa.

Ubuyobozi bw’ akarere ka Ruhango buvuga ko nta muturage wujuje ibisabwa utinda kubona icyangombwa cy’ ubutaka bwe.Rusiribana Jean Marie Vianney, umuyobozi w’ akarere wungirije ushinzwe iterambere ry’ ubukungu avuga ko abo ibyangombwa by’ ubutaka bishobora gutinda kuboneka na bwo ku mpamvu zitari iz’ ubuyobozi ari iby’ ubutaka bwaburanwe mu nkiko, abafitanye amakimbirane mu muryango n’ ibindi nk’ ibyo.

Ubuyobozi bw’ akarere ka Ruhango buratangaza ko icyangombwa cy’ ubutaka dosiye yacyo idafite ikibazo, kitapfa kurenza ukwezi kumwe kitaraboneka ngo ni mu gihe hari ibishobora no kuboneka mu gihe kitageze ku cyumweru.



Andika / Soma Ibitekerezo 0

Leave a Reply

Your email address will not be published. Required fields are marked *

Inkuru Twaguhitiyemo

TV1 started operating in February, 2014 with a wonderful vision to be the best educative and entertaining TV station in Rwanda. Our strategic goal is to attract the Rwanda population to a new level of not only national, but also international awareness. Our mission as TV1 is to contribute to the development of Rwanda through the amazing programs we air on television.

Copyright © 2019 All right reserved to TV & Radio 1 - At the Heart of Content!.

To Top