Uburezi

Nyanza:Ikigo cyirukanye abanyeshuri akarere karabyanga

Photo

Abanyeshuri biga mu ishuri rya Kavumu TVET riherereye mu karere ka Nyanza biga ibijyanye no gutwara imodoka z’amakamyo baravuga ko umuyobozi w’ikigo yabirukanye badakoze ikizamini bakamushinja uburangare kuko bari bijejwe ko bazagaruka ku ishuri ikigo cyamaze kuvugana na Polisi igihe cyo gukora ikizamini none bakaba bategetswe gutaha ngo bakazagaruka mu kwezi kwa mbere ubu ngo bakaba bari kwirukanwa mu kigo.

Aba banyeshuri biga iby’ubushoferi bw’amakamyo muri TVET ya Kavumu ishuri riherereye mu murenge wa Busasamana ho mu karere ka Nyanza baravuga ko mbere yo gutaha muri Werurwe kubera Icyorezo cya COVID-19 ngo bumvikanye ko ikigo nikimara kuvugana na Polisi ikababwira igihe bazakorera ibizamini bazahagamagarwa bakagaruka ku ishuri.

Nyuma ngo baje guhamagarwa bizera ko ubwo byamaze gutungana bageze ku ishuri bacibwa amafaranga ibihumbi makumyabiri (20,000Frw) yo kuba bakomeje kwihugura amasomo gusa ngo baje gutungurwa no kubwirwa n’ubuyobozi bw’ikigo ko ikizamini bari biteze kitakibaye ku itariki ya 21 Ukuboza 2020 nkuko byari biteganyijwe.

Aba banyeshuri ni bwo batangiye gushinja umuyobozi w’ishuri kugira uburangare bwo kuba atarabakiye Code yo gukoreraho icyo kizamini bityo bakabifata nko kubarenganya dore ko bababwiraga kuba basubiye mu rugo bakazagaruka baje gukora ikizamini muri Mutarama 2021 kandi baturuka mu bice bya kure ku buryo byabagora gukomeza gusiragizwa muri izo ngendo aho basabye inzego z’ubuyobozi bwite bwa Leta kubarenganura.

Umuyobozi w’iki kigo cya Kavumu TVET Ruzindana Eugene avuga ko nta burangare bwabayeho ko ahubwo batabonye Code zo gukoreraho bitewe n’impamvu zinyuranye zirimo n’ikoranabuhanga ryo ku irembo ko nibikemuka bazagaruka bagakora ikizamini.

Ubuyobozi bw’akarere ka Nyanza buravuga ko nyuma yo kumenya iki kibazo bwahise bubuza ikigo kwirukana aba banyeshuri bakazategereza ikindi gihe ikizamini kizakorerwa. Ntazinda Erasme, umuyobozi w’aka karere avuga ko aba banyeshuri nubwo hari abari bamaze gutaha ko bidakwiye ndetse ko bagomba gutegereza indi tariki ikizamini kizakorerwaho.

Aba banyeshuri bitegura gukora ibizamini by’ impushya zo gutwara imodoka z’amakamyo barabarirwa muri 270.



Andika / Soma Ibitekerezo 0

Leave a Reply

Your email address will not be published. Required fields are marked *

Inkuru Twaguhitiyemo

TV1 started operating in February, 2014 with a wonderful vision to be the best educative and entertaining TV station in Rwanda. Our strategic goal is to attract the Rwanda population to a new level of not only national, but also international awareness. Our mission as TV1 is to contribute to the development of Rwanda through the amazing programs we air on television.

Copyright © 2019 All right reserved to TV & Radio 1 - At the Heart of Content!.

To Top