Hirya no hino ku isi kugeza kuri uyu wa kabiri tariki 05 Gicurasi 2020 abaturage bamaze kwicwa na COVID-19 barabarirwa mu bihumbi birenga 250.

Mu bihugu bitatu bifite impfu nyinshi ku mwanya wa mbere haraza igihugu cya Leta zunze ubumwe za Amerika aho abishwe n’iyi ndwara bamaze kuba ibihumbi 69, ibihumbi 29 mu butaliyani,ndetse n’u Bwongereza bukaba buri hafi kuzuza impfu ibihumbi 29.

Kugeza ubu kugereranya igihugu ku kindi biracyagoranye bitewe n’uburyo buri gihugu cyashyizeho bwo kwirinda iki cyorezo dore ko hari bimwe mu bihugu birimo kugaragaza impfu z’abapfiriye mu bitaro gusa.

BBC yananditse ko hari ibihugu bidasuzuma abaturage babyo iyi ndwara, ndetse hakaba n’impungenge z’uko hari ibihugu birimo guhisha imibare ntitangazwe uko yakabaye.